June 26, 2022
લેટેસ્ટ ન્યુઝ્ →

છેલ્લા બે મહિનામાં 12મી વખત CNGના ભાવમાં થયો વધારો, આજ ફરી આટલા રૂપિયા વધ્યા CNGના ભાવ

જો તમારી પાસે પણ CNG વાહન છે તો આ સમાચાર તમને ચોંકાવી દેશે. છેલ્લા એક વર્ષમાં રાષ્ટ્રીય રાજધાની સહિત વિવિધ શહેરોમાં સીએનજીના દરે રેકોર્ડ બનાવ્યો છે. દિલ્હીમાં છેલ્લા એક વર્ષમાં સીએનજીના દરમાં 69.60 ટકાનો વધારો થયો છે. અગાઉ ઈન્દ્રપ્રસ્થ ગેસ લિમિટેડ (IGL) એ પણ 15 મેના રોજ 2 રૂપિયા પ્રતિ કિલોનો વધારો કર્યો હતો.

IGLની વેબસાઈટ અનુસાર, દિલ્હી-NCRમાં CNGની કિંમત 71.61 રૂપિયા પ્રતિ કિલોથી વધીને 73.61 રૂપિયા પ્રતિ કિલો થઈ ગઈ છે. છેલ્લા બે મહિનામાં 12મી વખત CNGના દરમાં વધારો કરવામાં આવ્યો છે. 7 માર્ચ પછી કિંમતમાં આ 12મો વધારો છે. આ દરમિયાન સીએનજીની કિંમતમાં 17.6 રૂપિયા પ્રતિ કિલોનો વધારો થયો છે. એકલા એપ્રિલમાં જ CNG 7.50 રૂપિયા પ્રતિ કિલો મોંઘો થયો છે.

પીટીઆઈના જણાવ્યા અનુસાર, છેલ્લા એક વર્ષમાં કિંમતોમાં 30.21 રૂપિયા પ્રતિ કિલો (60 ટકા)નો વધારો થયો છે. આ વર્ષની જ વાત કરીએ તો 1 જાન્યુઆરીથી સાડા ચાર મહિનામાં CNGના દરમાં 20.57 રૂપિયા પ્રતિ કિલોનો વધારો થયો છે. જાન્યુઆરીમાં સીએનજી 53.04 રૂપિયા પ્રતિ કિલો હતો, હવે તે વધીને 73.61 રૂપિયા થઈ ગયો છે. એપ્રિલમાં જ કિંમત ચાર ગણી વધી છે.

સીએનજીના ભાવમાં વધારા સાથે અન્ય પેટ્રોલિયમ પેદાશો પણ મોંઘી થઈ રહી છે. ગત સપ્તાહે કંપનીઓએ ઘરેલુ સિલિન્ડરની કિંમતમાં 50 રૂપિયાનો વધારો કર્યો હતો. જે બાદ દિલ્હીમાં રેટ વધીને 1000 રૂપિયા થઈ ગયો. અગાઉ કોમર્શિયલ સિલિન્ડરની કિંમતમાં પણ વધારો કરવામાં આવ્યો હતો. આ પહેલા કંપનીઓએ 22 માર્ચથી પેટ્રોલ અને ડીઝલના ભાવમાં 10-10 રૂપિયા પ્રતિ લીટરનો વધારો કર્યો હતો.

Spread the news

Leave a Reply

Your email address will not be published.